Piyar kay deep jalanay walay kuch kuch pagal hotay hain

Piyar kay deep jalanay walay kuch kuch pagal hotay hain
Apni jan say janay walay kuch kuch pagal hotay hain
Hijar kay gehray zakhm milay to mujh ko ye ehsas howa
Pagal ko samjhanay walay kuch kuch pagal hotay hain
Jan say piyaray logo say bhi kuch kuch parda lazim hai
Sari batt batanay walay kuch kuch pagal hotay hain
Khawaboo main bhi piya milan kay sapnay dekhtay rehtay hain
Needoo main muskanay walay kuch kuch pagal hotay hain
Piyar jinhain ho jay un ko chain bhla kab mil pata hai
Shab bhar ashq bahanay walay kuch kuch pagal hotay hain
Apni zat kay ujray gulshan say wo piyar kaha kartay hain?
Auroo ko mehkanay walay kuch kuch pagal hotay hain
Us kay ishq main bheeg kay "wasik"hum ko ye ehsas howa
Dil ki batt main anay walay kuch kuch pagal hotay hain